ESAT Amharic ESAT Amharic News

(ኢሳት ዲሲ–የካቲት 5/2010) አቶ በቀለ ገርባን ጨምሮ 7 የኦሮሞ ፌደራሊስት ኮንግረስ /ኦፌኮ/ አመራሮች ክሳቸው እንዲቋረጥ መወሰኑን የፌደራል አቃቢ ሕግ አስታወቀ። በዚሁም መሰረት አቶ በቀለ ገርባ፣ጉርሜሳ አያና፣አዲሱ ቡላላ፣ደጀኔ ጣፋ፣ጌቱ ጋሩማ፣ተስፋዬ ሊበንና በየነ ሩዳ ክሳቸው ተቋርጧል። የእነ አቶ በቀለ ገርባ ክስ በዚህ መልኩ ተቋርጧል ቢባልም በፍርድ ቤት ችሎት መድፈር በሚል ሁለት ጊዜ የ6 ወራት እስር ስለተወሰነባቸው ከእስር ቤት የመውጣታቸው ነገር አጠራጣሪ ነው ...

(ኢሳት ዲሲ–የካቲት 5/2010) በሐረር ከተማ በሃማሬሳ የስደተኞች ጣቢያ በሰፈሩ ሰዎች ላይ የአገዛዙ ታጣቂዎች በወሰዱት ርምጃ ከ4 በላይ ሰዎች መገደላቸው ተነገረ። በጥቃቱ በአጋዚ ታጣቂዎች ከተገደሉት መካከል አንድ የኦሮሚያ የጸጥታ ፖሊስ እንደሚገኝበትም ታውቋል። ከሶማሌ ክልል የተፈናቀሉ የኦሮሞ ተወላጆች እስከ 1 ሚሊየን እንደሚጠጉ በቅርቡ የወጡ አለምአቀፍ ሪፖርቶች ይጠቅሳሉ። ከነዚሁ ተፈናቃዮች መካከል በሐረር ከተማ አማሬሳ የስደተኞች ጣቢያ የተጠለሉ ይገኙበታል። የካቲት 4/2010 እሁድ በአማሬሳ የተፈናቀሉ ...

(ኢሳት ዲሲ–ጥር 5/2010) በጎንደር ጯሂት በአገዛዙ የፖሊስና የሚሊሺያ ታጣቂዎች ላይ ርምጃ መወሰዱ ተገለጸ። 10 የአገዛዙ ሃይሎች መገደላቸውን የደረሰን መረጃ አመልክቷል። በኦሮሚያ ክልል እየተካሄደ ካለው የስራ ማቆም አድማ ጋር በተያያዘ በአንዳንድ የአማራ ክልል አካባቢዎች ተመሳሳይ እንቅስቃሴ በመደረግ ላይ መሆኑን ለመረዳት ተችሏል። ከባህርዳር ወደ ኦሮሚያ ክልል ከተሞች የሚጓዙ የህዝብ ማመላለሺያ አውቶቡሶች ስራ አቁመው መዋላቸው ታውቋል። ዛሬ ጠዋት እስከ ቀትር ድረስ ከጎንደር አምባጊዮርጊስ ...

(ኢሳት ዲሲ–የካቲት 5/2010) በኦሮሚያ ክልል ለሶስት ቀናት የተጠራው በቤት ውስጥ የመቀመጥና የስራ ማቆም አድማ ዛሬ ተጀመረ። በአብዛኞቹ የክልሉ ከተሞችና የገጠር አካባቢዎች አድማው በተሳካ ሁኔታ በመካሄድ ላይ መሆኑን መረጃዎች ያመለክታሉ። በአዲስ አበባ ዙሪያ በሚገኙ ከተሞች አድማው ተጠናክሮ ሲካሄድ ከአዲስ አበባ የሚወጡ ሀገር አቋራጭ አውቶብሶች መንቀሳቀስ አልቻሉም። በአምቦ በሻሸመኔ በጂማ ከአድማው ባሻገር ህዝባዊ የተቃውሞ ሰልፎች መደረጋቸው ታውቋል። የፖለቲካ እስረኞች በሙሉ በአስቸኳይ እንዲፈቱና ...

(ኢሳት ዲሲ–የካቲት 2/2010) የቀድሞው የቻድ ፕሬዝዳንት ሀሰን ሀብሬ የዘረፉትን ገንዘብ ለማስመለስ የአፍሪካ ህብረት ጥረት መጀመሩ ታወቀ። በእርሳቸው የስልጣን ዘመን ለተገደሉና ለተሰቃዩ ሰለባዎች ማቋቋሚያ ከቀድሞ አምባገንን መሪ እንዲከፈል መወሰኑም ታውቋል። ገንዘቡ ገቢ ባለመሆኑም ሀሰን ሀብሬን ወደ ስልጣን እንዲወጡ ያገዙት ፈረንሳይና አሜሪካም ለማቋቋሚያ የገንዘብ ድጋፍ እንዲያደረጉ እየተጠየቁ መሆኑን መረጃዎች አመልክተዋል። በሴኔጋል ዳካር ያለጠያቂ ለ25 አመታት ያህል በተንደላቀቀ ሕይወት የቆዩት ሀሰን ሃብሬ ሰለባዎቹ ...

(ኢሳት ዲሲ–የካቲት 2/2010) በኢትዮጵያ በስልጣን ላይ ያለው መንግስት የንጹሃንን ደም ከማፍሰስ ድርጊቱ እንዲቆጠብ እንዲሁም የኢትዮጵያ ኦርቶዶክስ ተዋህዶ ቤተክርስቲያን አንድነት እንዳይመጣ መሰናክል ከመሆን እንዲታቀብ ብጹእ አቡነ ኤዎስጣጤዎስ ጥሪ አቀረቡ። የመከላከያ ሰራዊት አባላትም ተግባራቸው የውጭ ወራሪን መመከት እንጂ ወገንን መግደል እንዳልሆነም መገንዘብ ይኖርባቸዋል ሲሉ ጥሪ አቅርበዋል። በኢትዮጵያ ኦርቶዶክስ ተዋህዶ ቤተክርስቲያን የካሊፎርኒያ ሊቀጳጳስ የነበሩትና በአሁኑ ወቅት በዋሽንግተን ሲያትል ከተማ የሚያገለግሉት ብጹእ ዶክተር አቡነ ...

(ኢሳት ዲሲ–የካቲት 2/2010) በአማራ ክልል የባህርዳር እግር ኳስ ቡድን ደጋፊዎችን በመለየት የእስር ርምጃ ሊወሰድ መሆኑን የኢሳት የመረጃ ምንጮች ገለጹ። የእስር ርምጃውን ለመውሰድ ወሳኔ ላይ የተደረሰው በከተማዋ ያለውን ተቃውሞ የሚያንቀሳቅሱት የባህርዳር ከነማ ደጋፊዎች ናቸው የሚል የደሕንነት መረጃ በመቅረቡ ነው። በጉዳዩ ላይ ከብሔራዊ መረጃና ደህንነት፥ ከመከላከያ መረጃ ክፍል፥ ከአድማ ብተና እና ከመደበኛ ፖሊስ የተውጣጡ ሃላፊዎች በክልሉ ርእሰ መስተዳድር ጽህፈት ቤት ምክክር አድርገዋል። ...

(ኢሳት ዲሲ–የካቲት 2/2010) ጋዜጠኛ እስክንድር ነጋና ታዋቂው ፖለቲከኛ አንዱአለም አራጌ የይቅርታ ሰነድ አንፈርምም በማለታቸው ከእርስ ላይለቀቁ ይችላሉ ተባለ።   ሁለቱም እስረኞች የአርበኞች ግንበት 7 አባል ነን ብላችሁ ፈርሙ ተብለው በሌለንበት ነገር አንፈርምም፣ያጠፋነውም ነገር ስለሌለ ይቅርታ አንጠይቅም ብለዋል። ለጉዳዩ ቅርበት ያላቸው ምንጮች እንደገለጹት በእስርቤቱ ሃላፊዎችና በጋዜጠኛ እስክንድር ነጋ እንዲሁም በታዋቂው ፖለቲከኛ አንዷለም አራጌ መካከል አለመግባባት ተፈጥሯል። ችግሩ ደግሞ ሁለቱም እስረኞች ይቅርታ ...

(ኢሳት ዲሲ–የካቲት 2/2010) ወደ ባህር ከተጣሉ ኢትዮጵያውያን 25ቱን ማግኘት እንዳልተቻለ የመንግስታቱ ድርጅት የስደተኞች ጽ/ቤት አስታወቀ። በ4 ጀልባዎች ተጭነው ትላንት ወደ የመን እየተጓዙ ከነበሩትና በዋና እንዲሻገሩ ከተገደዱት ስደተኞች መካከል 25ቱ ኢትዮጵያውያን እስከዛሬ ድረስ ሊገኙ እንዳልቻሉ ጽ/ቤቱ ገልጿል። በሌላ ዜና ሞዛምቢክ 50 ኢትዮጵያውያንን ማባረሯ ታውቋል። ኢትዮጵያውያኑ በዓለም ዓቀፉ የስደተኞች ድርጅት ትብብር ወደ ኢትዮጵያ መላካቸው ተገልጿል። 600 የሚሆኑ ኢትዮጵያውያን ስደተኞች በ4ቱ ጀልባዎች ተሳፍረው ...

(ኢሳት ዲሲ–የካቲት 1/2010) አሜሪካ በደቡብ ሱዳን መንግስት ላይ የጣለችውን የጦር መሳሪያ ማዕቀብ ተከትሎ የጁባ መንግስት በዋሽንግተን የሚገኙትን አምባሳደሩን መጥራቱ ተሰማ። በዩናይትድ ስቴትስ ኦፍ አሜሪካና በደቡብ ሱዳን መካከል ዲፕሎማሲያዊ ውዝግብ ያስከተለው የጦር መሳሪያ ማዕቀብ በደቡብ ሱዳን ያለውን ችግር ለመቀነስ አስተዋጽኦ እንደሚኖረውም ተመልክቷል። አሜሪካ በደቡብ ሱዳን ያለውን ቀውስ ለመፍታት የተባበሩት መንግስታት ድርጅት በደቡብ ሱዳን መንግስት ላይ የጦር መሳሪያ ማዕቀብ እንዲጥል በወሩ መጀመሪያ ...