ESAT Amharic ESAT Amharic News
ከነገ እኩለ ሌሊት እስከ ኦገስት 19 ወይም ነሐሴ 13 በዋይት ሀውስ ፊት ለፊት የሚደረገው የረሀብ አድማ በኢትዮጵያ ውስጥ የሚደረገውን የመብት ረገጣ አጉልቶ ለማሳየት እንደሚረዳ የረሀብ አድማው አዘጋጅ ቃል አቀባይ ለኢሳት ገለጹ::
ቃል አቀባይዋ ወይዘሪት ትርሲት ጌታቸው፤ ነጻ ሚዲያ ለኢትዮጵያ የሚባለው ቡድን የረሀብ አድማ እንዲደረግ የወሰነው በሀገራችን እየተባባሰ ያለውን የመብት ገፈፋ በተለይ ደግም በጋዜጠኞች ላይ የተጣለውን አፈና እስርና እንግልት በመቃወም መሆኑን ገልጠዋል::
ወ/ት ትርሲት አክለውም የፕሬዝደንት ኦባማ አስተዳደርም ለዚህ አሳሳቢ ጉዳይ ልዩ ትኩረት እንዲሰጥና ለኢትዮጵያ መንግስት የሚያደርገውን ድጋፍ መልሶ እንዲያጤን የረሀብ አድማ አድራጊዎቹ እንደሚያሳስቡ አስረድተዋል።
በዋሽንግተን ዲሲና አካባቢ የሚኖሩ ኢትዮጵያውያን በላፋይት እስኩዌር የሚደረገውን ይህንን የረሀብ አድማ እንዲያበረታቱና እንዲደግፉ ቃል አቀባይዋ ጥሪ አቅርበዋል::