በስዊዘርላንድ የሚገኙ ኢትዮጵያውያን የተሳካ የኢሳት የገቢ ማሰባሰብ ዝግጅት አደረጉ

ጥር 27 ቀን 2005 ዓ/ም

ኢሳት ዜና:- እውቁ የሰብዓዊ መብት ተሟጋች የሆነው አርቲስት ታማኝ በየነ እንዲሁም ጋዜጠኛ ገሊላ መኮንን በክብር እንግድነት በተገኙበት ጀኔቫ በርካታ ኢትዮጵያውያን ተገኝተው ለኢሳት ድጋፋቸውን ሰጥተዋል።

የዝግጅቱ ዋና አስተባባሪ የሆነው ወጣት ጴጥሮስ አሸናፊ እንደገለጠው ዝግጅቱ ከታሰበው በላይ በስኬት መካሄዱን ገልጿል ( )

አርቲስት ታማኝ በተለያዩ የአውሮፓ ከተሞች በመዘዋወር ለኢሳት የሚያደርገውን ድጋፍ በስዊዘርላንድ ጀምሯል። ከአውሮፓ አገራት መካከል በስዊድን ፣ በኖርዌይ ፣ በጀርመን ፣ በቤልጂየም፣ በሆላንድና በለንደን የኢሳት ድጋፍ ማሰባሰቢያ ዝግጅት እንደሚደርግ የኢሳት የድጋፍ አሰባሰባቢ ኮሚቴ ያወጣው መርሀ ግብር ያሳያል።