በበባህርዳር አንድ የፖሊስ ኢንስፔክተር ተገደለ

ነሃሴ ፳፱(ሃያ ዘጠኝ)ቀን ፳፻፭ ዓ/ም ኢሳት ዜና :-ወረዳ ሁለት እየተባለ ለሚጠራው አካባቢ ሀላፊ የነበረው ኢንስፔክተር ምትኩ ዛሬ ጠዋት በመኪና ተገጭቶ ሞቷል።

ድርጊቱን የፈጸሙት ሰዎች እስካሁን ያልተያዙ ሲሆን ፣ ጉዳዩን በመመርመር ላይ የሚገኙት ዋና ኢንስፔተር ውበቱ ለኢሳት እንደገለጹት ድርጊቱ በምን ምክንያት እንደተፈጸመ ለማወቅ ምርመራ እየተካሄደ ነው ብለዋል። በግለሰቡ የተከፉ ሰዎች ሆን ብለው ገድለውት አምልጠዋል ይባላል በሚል ለቀረበላቸው ጥያቄ፣ ኢንስፔክተሩ እስካሁን ያለን መረጃ ይህንን አያመለክትም፣ ይሁን እንጅ ከምርመራው በፊት ምክንያቱን በውል ለማወቅ አይቻልም ብለዋል።

የከተማው የቀበሌ 13 ነዋሪዎች ፣ ሟቹ የፖሊስ አዛዥ የተለያዩ ኢሰብአዊ ድርጊቶችን ይፈጽም እንደነበርና በድርጊቱ የተበሳጩ ሰዎች ገድለውት እንዳመለጡ ተናግረዋል።