የመለስን እረፍት ተከትሎ ኢትዮጵያ የነጻነት አየር ትተነፍሳለች ብየ አምናለሁ ሲሉ ክብርት አና ጎሜዝ ተናገሩ

ነሀሴ ፲፱ (አስራ ዘጠኝ ) ቀን ፳፻፬ ዓ/ም

ኢሳት ዜና:-የአውሮፓ ፓርላማ አባልና በ1997 ዓም በኢትዮጵያ የተካሄደውን ምርጫ የታዘቡት ክብርት አና ጎሜዝ ከኢሳት ጋር ባደረጉት ቃለምልልስ ፣ በማንም ሰው ሞት  መደሰት ተገቢ ባይሆንም፣ የመለስን ሞት ተከትሎ ኢትዮጵያ የነጻነት አየር ትተነፍሳለች ብየ ተስፋ አደርጋለሁ ብለዋል።

መለስ ዜናዊ አምባገነን፣ የገዛ ህዝቡን ጨፍልቆ የገዛ ነው ያሉት ክብርት አና ጎሜዝ፣ አለማቀፉ ማህበረሰብ የመለስን ስራዎች እያየ እንዳለየ በመሆን ሲያልፍ መቆየቱንም ወቅሰዋል።

አቶ መለስ ስልጣኑን በእርሳቸው ዙሪያ በማሰባሰባቸው ሰላማዊ የስልጣን ሽግግር ይኖር ይሆን በማለት እንደሚሰጉ የተናገሩት ክብርት አና ጎሜዝ፣ የአለማቀፉ ማህበረሰብ በተለይም የአውሮፓ ህብረት እስካሁን የተከተለውን የተሳሳተ ፖሊሲ በመተው ሁሉም ኢትዮጵያውያን የሚሳተፉበት ነጻና ፍትሀዊ ምርጫ ተካሂዶ ሰላማዊ የስልጣን ሽግግር መኖር እንዳለበት ገልጠዋል።

አቶ ሀይለማርያም ደሳለኝ ሙሉ በሙሉ ስልጣን ኖሮአቸው የሚመሩ ባለመሆናቸው፣ አለማቀፉ ማህበረሰብ ትክክለኛ ዲሞክራሲ እንዲሰፍን መስራት እንዳለበት ክብርት አና ገልጠዋል።

______________________________________________________________________________

ESAT is the first independent Ethiopian satellite service tasked to produce accurate and balanced news and information, as well as other entertainment, sports and cultural programming created for and by Ethiopians.

ESAT is committed to the highest standards of broadcast journalism and programming and will strive to provide an outlet of expression to all segments of the diverse Ethiopian community worldwide