እነ ጄ/ል ተፈራ ማሞ ከእስር ቤት ወጡ

እነ ጄ/ል ተፈራ ማሞ ከእስር ቤት ወጡ
(ኢሳት ዜና የካቲት 15 ቀን 2010 ዓ/ም) በመፍንቅለ መንግስት ሙከራ ተከሰው ያለፉትን 9 ዓመታት በእስር ያሳለፉት ጄ/ል ተፈራ ማሞ፣ ጄ/ል አሳምነው ጽጌ፣ ኢንጂነር መንግስቱ አበበ፣ ኮ/ል አበረ አሳፋ፣ ኮ/ል ሶሎሞን አሻግሬ፣ ሻለቃ ወርቁ በላይ ፣ ሻለቃ መስከረም ካሳ፣ ሻለቃ ምስጋናው ተሰማ፣ ኢንስፔክተር አመራር ባያብል፣ የሽዋስ መንገሻ፣ ዋና ሳጅን ጎበና በላይና ሳጅን ይበልጣል ብርሃኑ ከዝዋይ እስር ቤት ወጥተው ወደ ቤተሰቦቻቸው ለመቀላቀል ወደ አዲስ አበባ አምርተዋል።
በተመሳሳይ ወንጀል የተከሰሱት ኮ/ል ደምሰው አንተነህና ኮ/ል አለሙ ጌትነት ትናንት ሲፈቱ ወ/ሮ እማዋየሽ አለሙ ደግሞ ከሳምንት በፊት ተለቀዋል።
እስረኞቹ በእስር ቤት ከፍተኛ የሰብአዊ መብት እንደተፈጸመባቸው ይታወቃል።