በሶማሊያዋ ኪስማዩ ከተማ 3 የኢትዮጵያ  የሰላም አስከባሪ ወታደሮች በቦንብ ተገደሉ

ኅዳር ፲፪ (አሥራ ሁለት) ቀን ፳፻፱ ዓ/ም ኢሳት ዜና :- በደቡባዊዋ የሶማሊያ ወደብ ከተማ ኪሲማዩ በተባበሩት መንግስታት ድርጅት የአፍሪካ ኅብረት የሰላም አስከባሪ ጦር አሚሶን ጦር የሆኑት ሶስት የኢትዮጵያ መከላከያ መከላከያ ሰራዊት አባላት ቅዳሜ እለት በቦንብ ፍንዳታ ተገድለዋል። የኢትዮጵያ ወታደሮች  ከኪሲማዩ ከተማ 35 ኪሎ ሜትር ርቀት ላይ ከምትከኘው ከማእድን ማውጫዋ ቡሉ ጋዱድ መንደር በወታደራዊ ኮንቮይ መኪና ተጭነው ሲመጡ ጥቃቱ እንደደረሰባቸው የአካባቢው ምንጮች አስታውቀዋል።

ከአደጋው በኋላ የሰላም አስከባሪው ጦር አባላት ወደ ኪሲማዮ ወታደራዊ ጣቢያቸው ማፈግፈጋቸውንም ምንጮቹ ገልጸዋል። እስካሁንም ጥቃቱን አስመልክቶ አሚሶም መግለጫ ከመስጠት መቆጠቡን ሸበሌ ሚዲያን በመጥቀስ አልጀዚራ ዘግቧል።