ህዝቡ እንደ ሃማስ የከተማ የትጥቅ ትግል ሊጀመር ይችላል ሲል ኢህአዴግ ስጋቱን ገለጸ

ነሃሴ  ፲፯ ( አሥራ  ሰባት) ቀን ፳፻፰ ዓ/ም ኢሳት ዜና :- የኢህአዴግ ከፍተኛ ባለስልጣናት ባደረጉት ስብሰባ ላይ ፣ አሁን በሚታየው አካሄድ የአማራ እና የኦሮምያ ክልል ነዋሪዎች ተቃውሟቸውን  እያጠናከሩ ከመጡ  እንደ ሃማስ መሳሪያ አንግተው ሰፈር ለሰፈር ከመንግስት ጋር የሚታኮሱ ሃይሎች እንደሚፈጠሩ፣ ጥያቄያቸውም ከሰፈር ነፃነት ጥያቄ ወደ አገራቀፍ አጀንዳ ሊያቀየር  ይችላል ሲል የኢህአዴግ የፖለቲካ ደህነነት ክፍል ግምገማውን አቅርቧል።

ብአዴን፣ የጎንደር ህዝብ አመፅ ህዝባዊ መሰረት ይዞ የተደራጀ በመሆኑ በሃይልም ቢሆን መፍታት አልቻልኩም ሲል አስተያየቱን በስብሰባው ላይ አቅርቧል። ኦህዴድም ተመሳሳይ የሆነ ግምገማ አቅርቧል።

ኢህአዴግ የገበሬ ሚሊሻዎችን የመከላከያ ልብስ እያለበሰ ሆቴል ተከራይቶ በመቀለብ በየወረዳው ፀጥታ አስከባሪዎች አድርጎ እያሰማራ ነው፡፡

በሁሉም ወረዳዎች ለሚሊሺያዎች አዳዲስ መሳሪያዎችን እያስታጠቀ ፤ የመከላከያ ልብስ እያለበሰ ፣ የ ደሞዝ ጭማሪ እንደሚያደርግ ቃል እየገባ በየወረዳ ከተማዎች በርካታ ቁጥር ያላቸውን የገበሬ ሚሊሻዎችን እርሻቸውን አስትቶ ሆቴል ተከራይቶ በመቀለብ ከተሞችን እንዲቆጣጠሩ እና የ ስነ ልቦና ጫና እንዲፈጥሩ ለማድረግ እየሞከረ ነው።

በጎንደር ወለቃ አካባቢ ወታደሮች የጦር መሳሪያቸውን ጫካ ውስጥ ጥለው መጥፋታቸውን ተከትሎ መትረጌስ እና ሌሎች የጦር መሳሪያዎች መገኘታቸውን ምንጮች ገልጸዋል። የጎንደርን ህዝብ በጥይት እንዲደበድቡ ከአለቆቻቸው ትእዛዝ የተሰጣቸው ወታደሮች ትእዛዙን በመጣስ መሳሪያቸውን ጫካ ውስጥ ጥለው መጥፋታቸውን የተናገሩት ምንጮች ፣ የጦር መሳሪያዎችን ቀበሌው ተረክቦ ወደ ሚሊሺያ ጽ/ቤት ማስገባቱን ገልጸዋል።

አንዳንድ የሰራዊቱ አባላት የወሰዱትን እርምጃ ያደነቁት ምንጮች፣ ሰራዊቱ በሂደት ስርኣቱን በብዛት ይከዳል ብለው ተስፋ እንደሚያደርጉ ገልጻዋል።

በሌላ በኩል ኢህአዴግ አንዳንድ አመራሮችን አስገምግሞ በማበራር የህዝቡን ቁጣ ለማብረድ አዲስ ስትራቴጂ ነድፏል።

ትላንት በቤተ መንግስት የመሰብሰቢያ አዳራሽ በመፍትሄው ዙሪያ የመከረው የኢህአዴግ ስራ አስፈፃሚ ኮሚቴ፣  የ15 ዓመታትን የኢህአዴግ  ጉዞ በመገምገም፣ ኢህአዴግን በአዲስ እይታ ለህዝብ ለማቅረብ ወስኗል።  ህዝብ የሚቃወማቸውን አመራሮች በማባረር እና በማሰር  የህዝቡን ቁጣ ለማብረድ የሚያስችል ስራ እንዲሰራ ባለ አርባ ስድስት ገፅ ሰነድ አዘጋጅቷል፡፡

“የፖለቲካ ቀውሶችን ለመከላከል የተዘጋጀ የመወያያ ሰነድ ፣ የማሽቆልቆል ምዕራፍ ተዘግቶ የእድገት ምዕራፍ የተከፈተበት የሩብ ምዕተ ዓመት የትግልና የድል ጉዞ” በሚል የተዘጋጀውና ስራ አስፈጻሚው ያጸደቀው ሰነድ ለኢሳት የደረሰ ሲሆን፣ በሰነዱ ላይ ግንባሩን የገጠሙት በርካታ ፈተናዎች ቀርበዋል።

ህዝቡን በቁስ ለማሳደግ በተደረገው ጥረት ጥቂት ምንጫቸው ያልታወቁ ሚልየኖረችን ፈጥረናል የሚለው ሰነዱ፣ የብሄር መከፋፈሎች ደግሞየስርዓቱ አደጋ መሆናቸው ተገልጾልናል ይላል።

የኢህአዴግ የ25 አመታት የግምገማ ሰነድ ኪራይ ሰብሳቢነት የስርዓቱን ህልውና እየተፈታተነው