ኢትዮጵያ ከ15 አመታት በሁዋላ የነፍስ ወከፍ ገቢዋ 1 ሺ ዶላር እንደማይደርስ አንድ የኢኮኖሚ ትንበያ አመለከተ

ሚያዝያ ፳ (ሃያ) ቀን ፳፻፯ ዓ/ም ኢሳት ዜና :-የአሜሪካ የግብርና ዲፓርትመንት ባወጣው ጥናት በፈረንጆች አቆጣጠር በ2030 ወይም ከ15 አመታት በሁዋላ የኢትዮጵያ የነፍስ ወከፍ ገቢ 820 ዶላር ይደርሳል። ገዢው ፓርቲ ኢህአዴግ በቅርቡ ኢትዮጵያን መካከለኛ ገቢ

ካላቸው አገራት ተርታ እንደሚያሰልፋት በተደጋጋሚ ቢናገርም፣ የጥናት ውጤቱ እንደሚያሳየው በ2030 ኢትዮጵያ ፣ የመካከለኛ ገቢ ዝቅተኛ መነሻ ከሆነው 1 ሺ ዶላር ለመድረስ አትችልም ።

በርካታ የአፍሪካ አገሮች ከ1 ሺ ዶላር በላይ የነፍስ ወከፍ ገቢ እንደሚያስመዘግቡ ጥናቱ ያመለክታል። እኤአ በ2030 ሲሸልሽ የነፍስ ወከፍ ገቢዋን 22 ሺ 917 ዶላር በማድረስ ቀዳሚውን ስፍራ ትይዛለች። ኬንያ 1 ሺ 900 ዶላር፣ ዩጋንዳ 1 ሺ 93 ዶላር፣ ሱዳን 2 ሺ ዶላር፣

ግብጽ 4 ሺ 857 ዶላር ጋቦን 15 ሺ 928 ዶላር ፣ ሞሪሺየስ 14 ሺ 862 ዶላር እንዲሁም ዚምባብዌ 1 ሺ 287 ዶላር የነፍስ ወከፍ ገቢ ይኖራቸዋል። ከጎረቤት አገራት ኤርትራ 480 ዶላር እንዲሁም ጅቡቲ 434 ዶላር የነፍስ ወከፍ ገቢ ይኖራቸዋል።

በ2030 ናይጀሪያ   አጠቃላይ ምርቷን ወደ 1 ትርሊዮን ዶላር ከፍ በማድረግ  በኢኮኖሚም በህዝብ ብዛትም በአፍሪካ ቀዳሚ አገር ትሆናለች።