ከአራት ዓመት በፊት መጠናቀቅ የነበረበትና  ከፍተኛ ገንዘብ የፈሰሰበት የተንዳሆ ስኳር ፋብሪካ ከሙስናና ብልሹ አሰራር ጋር በተያያዘ እስካሁን ስራ መጀመር አልቻለምተባለ፡፡

የካቲት ፭(አምስት) ቀን፳፻፯ዓ/ምኢሳትዜና :-ከሕንድ መንግስት በተገኘ 640  ሚሊየን ዶላር በተገኘ ብድር እ.ኤ.አ በ2008 ሥራ የጀመረው ይህው ፋብሪካ ከሙስና ጋር በተያያዘ ጥራት ያለው ማሽነሪግ ባለመከናወኑና ሥራው በተገቢው ቁጥጥርና ክትትል ባለመታገዙ ተጠናቆ ወደ ስራ መግባት የነበረበት እ.ኤ.አ በ2010 መጨረሻ ቢሆንም ፋብሪካው እስካሁን ወደስራ መግባት እንዳል ቻለ ታውቋል፡፡

የስኳር ኮርፖሬሽን ከፍተኛ አመራሮች በዚህ ዓመትም ፋብሪካው ስራ  ይጀምራልበሚልበ ተደጋጋሚ መግለጫ ከመስጠታቸው ባሻገር ፣ ጋዜጠኞችን ምረቃ እናካሂዳለን በሚል ወደ ስፍራው ቢወስዱም ከተተከሉት ማሽኖች አንደኛው ከጥቅም ውጪ በመሆኑ ሊሳካ እንዳልቻለ የፋብሪካው ምንጮች ገልጸዋል፡፡

ባለፈው ወር በአፋር ክልል ከተከበረው የአርብቶአደር በዓል ጋር ተያይዞ ፋብሪካውን ለማስመረቅ በስኳር ኮርፖሬሽን በኩል ታቅዶ የነበረ ቢሆንም አሁንም ፋብሪካውን ወደምርት ማስገባት ባለመቻሉ ምረቃው እንዲተላለፍ መደረጉም ተነግሮአል፡፡

ከተንዳሆ ስኳር ፋብሪካ ችግር ጋር በተያያዘ ስማቸው በሙስና ጉዳይ ከሚነሱት ባለስልጣናት መካከል ወ/ሮ ገነት ዘውዴ በህንድ የኢትዮጽያ አምባሳደር እና  አቶ ግርማ ብሩ የቀድሞ የንግድና ኢንዱስትሪ ሚኒስትርና በአሁኑ ወቅት በአሜሪካ ኢትዮጵያ አምባሳደር ይገኙበታል፡፡

በአሁኑ ሰዓት በገበያ ላይ ስኳር እጥረት በከፍተኛ ደረጃ ያለ ሲሆን ይህን ክፍተት ለመሸፈን ሀገሪቱ ከፍተኛ የውጪ ምንዛሪ በማውጣት ከውጪ ሀገር በመግዛት በማስገባት ላይ መሆኗ ይታወቃል፡፡