የከምባታ ጠንባሮ ነዋሪዎች የተቃውሞ ሰልፍ አደረጉ

ኀዳር ፳፮(ሃያ ስድስት) ቀን ፳፻፯ ዓ/ም ኢሳት ዜና :-የልማትና መልካም አስተዳደር ጥያቄዎችን ያቀረቡ የከንባታ ጠንባሮ ነዋሪዎች ህዳር 26/2007 ዓም በዱራሜ ከተማ የተቃውሞ ሰልፍ አድርገዋል።

የከምባታ ህዝብ ኮንግረንስ ሊቀመንበር አቶ ኤርጨፎ ኤርዴሎ እንደተናገሩት የአካባቢው ነዋሪዎች ለኮሌጅ መስሪያ ተብሎ የተፈቀደውን ቦታ የመንግስት ሹማማምንት  ለዘመዶቻቸው አከፋፍለው በመገኘታቸው እንዲሁም ከሾኔ እስከ ዳውሮ ያለውን አስፋልት ለማድረግ ታቅዶ በለመሳካቱ ህዝቡ ተቃውሞውን ለማሰማት መውጣቱን ተናግረዋል።

ኢህአዴግ ከገባ ጀምሮ አንድም የልማት ስራ እንዳልተሰራለት የተናገሩት አቶ ኤርጨፎ፣ አካባቢው ኢህአዴግን በመቃወም የሚታወቅ በመሆኑ በልማት እጥጦት እንዲቀታ ተደርጓል። አቶ ኤርጨፎ በተቃውሞው ሰልፍ ምንም አይነት ግጭት እንዳልተነሳ ገልጸዋል።