አቶ ካሃሰ ወ/ማርያም የመለስ ዜናዊ አመራር አካዳሚ ዳይሬክተር ሆነው ተሾሙ

የካቲት ፲፯ (አስራ ሰባት) ቀን ፳፻፮ ዓ/ም ኢሳት ዜና :-የአዲስ አበባ ከተማ አስተዳደር የከንቲባ ጽ/ቤት የካቲት 11 ቀን 2006 ዓ.ም በከንቲባ ድሪባ ኩማ  ፊርማ ተጽፎ በወጣው ደብዳቤ አቶ ካሓሰ ወ/ማርያም ከየካቲት 5 ቀን 2006 ዓ.ም ጀምሮ ለመለስ ዜናዊ አመራር አካዳሚ የአዲስ አበባ ቅርንጫፍ ዳይሬክተር በቢሮና በኃላፊ ደረጃ ሆነው እንዲሰሩ ተሹመዋል።

“የተለያየ መ/ቤት ስያሜ እያወጡ እና  ለህዝቡ ምንም ፋይዳ የሌላቸው ተቋማትን እየፈጠሩና እያዋቀሩ ለስራ እንቅስቃሴ እየተባለ ሃላፊነት በጎደለው ሁኔታ የህዝብ ውስን ሃብት የሆነውን የመንግስት በጀት እየመደቡ ከተማዋን በሙት መንፈስ ለመምራት ጥረት እያደረጉ ” ነው በማለት የመስተዳድሩ ሰራተኞች  ለኢሳት ተናግረዋል።

የመለስ ዜናዊ አመራር አካዳሚ ጽ/ቤት  ሱልልታ ውስጥ በጣም ዘመናዊ በሆነ ህንፃ ተገንብቷል። ህንጻው የሰልጣኖች ማደሪያ እና የመኖሪያ ቤትን አካቶ ይዟል።