ከኢሬቻ በዓል ጋር በተያያዘ ከ200 በላይ የኦሮሞ ተወላጅ ወጣቶች ታስረዋል ተባለ

መስከረም ፳፮ (ሃያ ስድስት) ቀን ፳፻፭ ዓ/ም

ኢሳት ዜና:- ሰሞኑን ዓመታዊው የኢሬቻ በዓል በደብረ ዘይት በሚከበርበት ጊዜ በደህንነት ሀይሎች የታሰሩት በመቶዎች የሚቆጠሩ ኦሮሞዎች ደህንነት ጉዳይ እጅግ እንዳሣሰበው  የአፍሪካ ቀንድ የሰብዓዊ መብት ሊግ ገልጿል።

የሰብዓዊ መብት ሊጉ ከወኪሎቹ ያገኘውን መረጃ ጠቅሶ ባወጣው መግለጫ እንዳመለከተው ባለፈው መስከረም 29 የኢሬቻ በዓል ማጠናቀቂያ ላይ በደህንነቶች ተወስደው  የታሰሩት ከ200 በላይ ሲሆኑ፤ሁሉም ወጣቶች ናቸው።

ወጣቶቹ በማግስቱ ወደ ማዕከላዊ መወሰዳቸውን የጠቀሰው የሰብዓዊ መብት ሊጉ፤የታሰሩትም በበዓሉ ላይ ፖለቲካዊ መልዕክት ያላቸው መፈክሮችን አሰምታችሁዋል ተብለው  እንደሆነ አመልክቷል።

እንዲሁም መስከረም 19 ቀን  ከምዕራብና ከደቡብ ሸዋ   በአውቶቡሶች ሞልተው ወደ በዓሉ ስፍራ ሲመጡ የነበሩ የኦሮሞ ተወላጆች በደህንነት ሀይሎች ታግተው ወደ ጉደር፣አምቦ፣ጊንጪ፣ሻሸመኔ ሰበታ፣ዱከም እና ሌሎች ከተሞች ውስጥ ወደሚገኙ ያልታወቁ ሥፍራዎች መወሰዳቸውን ሊጉ ገልጿል።

የኦሮሞና የሌሎች ብሔረሰብ ተወላጆች ባለፉት 20 ዓመታትና አሁንም የከፍተኛ አመራር ለውጥ በተደረገበት ጊዜ ፤ በኢትዮጵያ ዲሞክራሲያዊ ለውጥ ለማየት አለመታደላቸውን ሊጉ ጠቁሟል።

በመቶዎች ከሚቆጠሩት እስረኞች መካከል ብዙዎቹ የትና በምን ሁኔታ ላይ እንደሚገኙ አለመታወቁን የጠቀሰው የሰብዓዊ መብት ሊጉ፤ በወኪሎቹ አማካይነት ባደረገው ጥረት ያሰባሰበውን የ 50 እስረኞችን ስም ዝርዝርና ፎቶ በመግለጫው ይፋ አድርጓል።

በሉጉ መግለጫ የተዘረዘሩት 50 ወጣቶች ስም፣ዕድሜ፣የትምህርት ደረጃና የትውልድ ቦታ የሚከተለውን ይመስላል፦

___________________________________________________________________________________________________________________________________________________________________________

ESAT is the first independent Ethiopian satellite service tasked to produce accurate and balanced news and information, as well as other entertainment, sports and cultural programming created for and by Ethiopians.

ESAT is committed to the highest standards of broadcast journalism and programming and will strive to provide an outlet of expression to all segments of the diverse Ethiopian community worldwide