ድምጻዊ ታምራት ደስታ ከዚህ አለም በሞት ተለየ

(ኢሳት ዲሲ–ሚያዚያ 10/2010)ታዋቂው ድምጻዊ ታምራት ደስታ ከዚህ አለም በሞት ተለየ።

ድምጻዊ ታምራት በድንገተኛ አደጋ ሕይወቱ ማለፉን የሃገር ውስጥ መገናኛ ብዙሃን ዘግበዋል።

ታምራት ደስታ በ 90 ዎቹ  ወደ ሙዚቃው ዓለም ብቅ ብለው እውቅና ካገኙ ድምጻውያን ውስጥ አንዱ ሲሆን፣“እኛን ነው ማየት”፣ “ሃኪሜ ነሽ”፣ከዛ ሰፈር ካንች አይበልጥምና፣ሊጀማምረኝ ነው በሚሉና ሌሎችም የሙዚቃ ስራዎቹ ይታወቃል።

ድምጻዊ ታምራት መኪና እያሽከረከረ ሕመም ሲሰማው ወደ አንድ ክሊኒክ ቢያመራም ሕመሙ ብሶበት በድንገት ሕይወቱ ማለፉን ዘገባዎች አመልክተዋል።

ድምጻዊ ታምራት ደስታ ባለትዳርና የ5 ልጆች አባት ነበር።በ ድምጻዊ ታምራት ደስታ ሕልፈት የኢሳት ዝግጅት ክፍል ሃዘኑን እየገለጸ ፣ለቤተሰቦቹና አድናቂዎቹ  መጽናናትን ይመኛል።