የጠቅላይ ሚኒስትሩ የመጨረሻ ጉብኝታቸውን በሚኒሶታ አካሄዱ

(ኢሳት ዲሲ–ሀምሌ 24/2010) ጠቅላይ ሚኒስትር አብይ አህመድ የአሜሪካ የመጨረሻ ጉብኝታቸውን በሚኒሶታ አካሄዱ።

ከኦሮሚያ ክልላዊ መንግስት ፕሬዝዳንት አቶ ለማ መገርሳ ጋር በመሆን በሚኒያፖሊስና ሴንት ፖል ከተሞች ከሚኖሩ ኢትዮጵያውያን ጋር የተገናኙት ጠ/ሚ/ር አብይ አህመድ ኢትዮጵያውያን ልዩነታቸውን ወደ ጎን አድርገው ለሀገራችን ለውጥ በአንድነት እንዲነሱ ጥሪ አድርገዋል።
አቶ ለማ መገርሳም ሀገራችን ኢትዮጵያ ለሁላችን የምትበቃ በመሆኑ ለእድገቷ በጋራ እንስራ ሲሉ ጠይቀዋል።
ጠቅላይ ሚኒስትሩ ማምሻውንም በሚኒሶታ ከሚገኙ ኢትዮጵያውያን ለተነሱ ጥያቄዎች መልስ የሰጡበት መድረክ መካሄዱን ለማወቅ ተችሏል።