የአንጋፋውና የስመ-ጥሩው ድምጻዊ የአርቲት መስፍን አበበ የቀብር ሥነ-ስርዓት ተፈጸመ።

ግንቦት ፳፮(ሃያ ስድስት) ቀን ፳፻፰ ዓ/ም ኢሳት ዜና :- “ዐይሽ ዐይሽና ይመጣል እንባዬ፣ ያዥልኝ ቀጠሮ ፣ናፍቆቴ…” የመሣሰሉትን ዘመን ተሻጋሪ ዜማዎች ያበረከተውና ጊታር እየመታ በማቀንቀን የሚታወቀው  አርቲስት መስፍን አበበ ትናንት ንጋት ላይ ነው በድንገተኛ ህመም በሞት የተለዬው። የመስፍን አበበ የቀብር ሥነ ስርዓት  አድናቂዎቹና ወዳጅ ዘመዶቹ በተገኙበት ዛሬ በጴጥሮስ ወጳውሎስ ቤተክርስቲያን ተፈጽሟል።አርቲስት መስፍን አበበ በሙዚቃ ህይወት ቆይታው ከሃያ በላይ ካሴቶችን ለአድማጮች ጆሮ አብቅቷል። አርቲስቱ ባለትዳርና የአንድ ልጅ አባት ነበር።በዚህ አጋጣሚ የኢትዮጵያ ሳተላይት ራዲዮና ቴሌቪዥን ድርጅት- ኢሳት ባልደረቦች ፤ ለመስፍን አበበ ቤተሰቦችና ወዳጆች በሙሉ መጽናናት እንዲሆንላቸው ልባዊ ምኞታቸውን ይገልጻሉ።