በአዲ ረመጥ ከተማ ፌስቡክ ላይ ጽፋችሁዋል የተባሉ ወጣቶች ታሰሩ

በአዲ ረመጥ ከተማ ፌስቡክ ላይ ጽፋችሁዋል የተባሉ ወጣቶች ታሰሩ
(ኢሳት ዜና ግንቦት 24 ቀን 2010 ዓ/ም) የኮማንድ ፖስት አባላት ነን ያሉ የኮሎኔልነት ማዕረግ ያላቸው ወታደሮች በወልቃይት ወረዳ አዲ ረመጥ ከተማ ነዋሪ የሆነውን ወጣት ፈቃዴ አሰፋን ይዘው በማሰር፣ ለብሶት የነበረውን የፋሲል ከነማ የስፖርት ቡድን ማሊያን አስወልቀው በቅደድና በእግራቸው በመርገጥ በመጨረሻም ወደ እስር ቤት ልከውታል። ወጣቱ፣ የወልቃይትን ጉዳይ አንስቶ በድፍረት እንደሚጽፍ፣ በሚጽፋቸው ጽሁፎች እንደማይጸጸትና ይቅርታ እንደማይጠይቅ መናገሩን አብሮት ተይዞ የነበረው በንግድ ስራ የሚተዳደረው ማማዬ የተባለው ሰው ተናግሯል።
ቢራ የማከፋፈል ስራ የሚሰራው ማማዬ ፣ የመከላከያ አዛዦቹ ድግሳቸውን ስፖርንሰር እንዲያደርግላቸው እንደጠየቁት፣ እርሱም ከአንድ ወይም ከሁለት ሳጥን በላይ ስፖንሰር ማድረግ እንደማይችል እንደገለጸላቸው፣ ኮ/ል ደመቀ ሲፈቱ ግን እስከ 15 ሳጥን ስፖንሰር እንዳደረገ በመገልጽ፣ በኮሎኔል ደመቀና በእርሱ ላይ ጸያፍ የሆኑ ስድቦችን እንደተሳደቡና ከ2 ሰዓታት ከ40 ደቂቃ እገታ በሁዋላ እንደፈቱት ተናግሯል።