በማሳቹሴትስ ግዛት ለኢሳት የገቢ ማሰባሰቢያ ዝግጅት ተካሄደ

ኢሳት (ጥቅምት 29 ፥ 2009)

ነዋሪነታቸው በዚህ በአሜሪካ ማሳቹሴትስ ግዛት የሆኑ ኢትዮጵያውያን ገቢው ኢሳትን ለመደገፍ የሚውል ልዩ የገቢ ማሰባሰቢያ ዝግጅት በሳምንቱ መገባደጃ ቅዳሜ አካሄዱ።

በቦስተን ከተማና አካባቢዋ የሚኖሩ በርካታ ኢትዮጵያውያን በታደሙባት በዚሁ ዝግጅት ወደ 40ሺ ዶላር (800ሺ ብር በላይ) ሊሰባሰብ መቻሉን የዝግጅቱ አስተባባሪዎች ገልጸዋል።

የኢሳትን ስድስተኛ አመት የምስረታ በዓል አስመልክቶ በከተማዋ በተካሄደው በዚሁ የገቢ ማሰባሰቢያ ስነስርዓት ላይ ኢሳትን በመወከል ጋዜጠኛ ርዕዮት አለሙ እንዲሁም ኮሜዲያን ክበበው ገዳና አርቲስት ማሪቱ ለገሰ በክብር እንግድነት ተገኝተዋል።